ஜோகோவிச், சபலென்கா முதல் சுற்றில் வெற்றி

நடப்பாண்டின் கடைசி கிராண்ட்ஸ்லாம் போட்டி யான யுஎஸ் ஓபனின் முதல் சுற்றில், 4 முறை சாம்பியனான செர்பியாவின் நோவக் ஜோகோவிச், நடப்பு சாம்பியனான பெலாரஸின் அரினா சபலென்கா ஆகியோர் வென்றனர்.

- 

நியூயார்க், ஆக. 25:

இதில் ஆடவர் ஒற்றையர் பிரிவில், 24 கிராண்ட்ஸ்லாம் வென்ற வரான ஜோகோவிச் 6-1, 7-6 (7/3), 6-2 என்ற கணக்கில் அமெரிக்காவின் லேர்னர் டியெனை வீழ்த்தினார். யுஎஸ் ஓபன் முதல் சுற்றில் 19- ஆவது வெற்றியைப் பதிவு செய்த ஜோகோவிச், போட்டியின் வரலாற்றில் அந்த சுற்றில் தோற்றதே இல்லை.

போட்டித்தரவரிசையில் 13-ஆம் இடத்திலிருந்தவரும், 2021-ஆம் ஆண்டு சாம்பியனுமான டேனியல் மெத்வதெவ் 3-6, 5-7, 7-6 (7/5), 6-0, 4-6 என 5 செட்கள் போராடி, பிரான்ஸின் பெஞ்சமின் பொன்ஸியிடம் தோல்வியுற்றார்.