வரும் பேரவைத் தேர்தல் தர்மத்துக்கும் அதர்மத்துக்குமான போர்

2026 இல் நடைபெற உள்ள பேரவைத் தேர்தல் தர்மத்துக்கும் அதர்மத்துக்குமான போர் என்றார் தமிழக பாஜக தலைவர் நயினார் நாகேந்திரன் எம்.எல்.ஏ.

- நயினார் நாகேந்திரன்

திருநெல்வேலி, ஆக. 22: திருநெல்வேலியில் வெள்ளிக்கிழமை நடைபெற்ற பாஜக பூத் கமிட்டி மாநாட்டில் நயினார் நாகேந்திரன் பேசியதாவது:

தமிழகத்தில் இப்போது சட்டம் ஒழுங்கு சீர்கெட்டுள்ளது. குழந்தைகள் முதல் பெண்கள் வரை யாரும் நடமாட முடியாத நிலை தமிழகத்தில் உள்ளது. திமுக ஆட்சிக் காலத்தில் 24 காவல் மரணங்கள் தமிழகத்தில் நிகழ்ந்துள்ளன. ஆனால் முதல்வர் ஸ்டாலின், சாரி என்று சொல்லி கடந்து செல்கிறார்.