ஹோலி பண்டிகை: மும்பைக்கு சிறப்பு ரயில்கள் இயக்கம்

ஹோலி பண்டிகையை முன்னிட்டு தமிழகம் மற்றும் கேரளத்திலிருந்து மும்பைக்கு சிறப்பு ரயில்கள் இயக்கப்படவுள்ளன.

- 

சென்னை, மார்ச் 1:

இது குறித்து தெற்கு ரயில்வே சனிக்கிழமை வெளியிட்ட செய்திக் குறிப்பு:

மும்பையிலிருந்து மார்ச் 6, 13 (வியாழக்கிழமை) ஆகிய தேதிகளில் மாலை 4 மணிக்கு புறப்படும் சிறப்பு ரயில் (எண் 01063), மறுநாள் இரவு 10.45-க்கு திருவனந்தபுரம் (கொச்சுவேலி) சென்றடையும்.

மறுமார்க்கமாக திருவனந்தபுரத்திலிருந்து மார்ச் 8, 15 (சனிக்கிழமை) ஆகிய தேதிகளில் மாலை 4.20-க்கு புறப்படும் சிறப்பு ரயில் (எண் 01064), மறுநாள் நள்ளிரவு 12.45-க்கு மும்பை சென்றடையும்.