உலக மகளிர் தினம்: முதல்வர் வாழ்த்து

உலக மகளிர் தினத்தையொட்டி முதல்வர் மு. க. ஸ்டாலின் வாழ்த்து தெரிவித்துள்ளார்.

- 

இதுகுறித்து முதல்வர் மு. க. ஸ்டாலின் வெளி யிட்டுள்ள அறிக்கை:உலகை இயக்கும் பேராற்றலான என் அன்புக் குரிய தாய்மார்கள், சகோதரிகள் அனைவருக்கும் இனிய உலக மகளிர் நாள் வாழ்த்துகள். ‘பெண் ஏன் அடிமையானாள்?' எனக் கேள்வி எழுப்பி விழிப்புணர்வை ஏற்படுத்தினார் பெரியார். அவ ரது கொள்கை வழித்தோன்றலாக முன்னாள் முதல்வர் கருணாநிதி பெண்களுக்குச் சொத்தில் சம பங்கு உரிமை அளித்துச் சட்டம் நிறைவேற்றினார். அரசுப் பணியிடங்களில் இட ஒதுக்கீடு அளித்தார். இத்தகைய மகளிர் காவலர்களின் வழியிலான நமது திராவிட மாடல் அரசு, இந்த ஆட்சியையே மகளிரின் உயர் வுக்கான ஆட்சியாக நடத்தி வருகிறது. பெண்கள் சுதந்திரமாக ஓரி டத்தில் இருந்து மற்றொரு இடத்துக்கு சென்று வர விடியல் பய ணம், பெண்களின் முன்னேற்றத்துக்காக கலைஞர் மகளிர் உரிமைத் தொகை திட்டம், புதுமைப்பெண், முதலமைச்சரின் காலை உணவுத் திட்டம், தோழி விடுதிகள், பெண்களின் பெயரில் சொத்து பதிவு செய்தால் பதிவு கட்டணத்தில் சலுகை, 14 வயதுக்குட்பட்ட சிறுமி களுக்கு இலவசமாகக் கருப்பைவாய்ப் புற்றுநோய் தடுப்பூசி உள்பட எண்ணற்ற திட்டங்கள் செயல்படுத்தப்பட்டு வருகின்றன.