சட்டவிரோதமாக மரங்களை வெட்டுவதால் இயற்கைப் பேரழிவு

ஹிமாசல பிரதேசம், உத்தரகண்ட், பஞ்சாப் போன்ற மாநிலங்களில் முன்னெப்போதும் இல்லாத அளவில் நிலச்சரிவுகளும் பெருவெள்ளமும் ஏற்பட்டுள்ள நிலையில், இது தொடர்பாக மத்திய அரசு, தேசிய பேரிடர் மேலாண்மை ஆணையம், பாதிக்கப்பட்ட மாநிலங்களுக்கு உச்சநீதிமன்றம் வியாழக்கிழமை நோட்டீஸ் அனுப்பியது.

- 

புது தில்லி, செப். 4:

சட்டவிரோதமாக மரங்களை வெட்டுவது, இயற்கைப் பேரழிவுகளுக்கு வழிவகுக்கிறது என்று உச்சநீதிமன்றம் கருத்து தெரிவித்தது.

இமயமலையையொட்டிய ஹிமாசல பிரதேசம், உத்தரகண்ட் மற்றும் ஜம்மு-காஷ்மீரில் கடந்த சில வாரங்களாக மேகவெடிப்புகளால் பலத்த மழை கொட்டித்தீர்த்து, பெருவெள்ளம் மற்றும் நிலச்சரிவுகள் நேரிட்டு வருகின்றன. இதனால் உயிர்ச்சேதங்களும், பெரும் பொருட்சேதங்களும் ஏற்பட்டுள்ளன.

இந்த மாநிலங்களில் நிலச்சரிவுகள் மற்றும் பெருவெள்ளத்துக்கான காரணங்கள் குறித்து சிறப்பு விசாரணைக் குழு மூலம் விசாரணை நடத்துவதோடு, இது போன்ற பேரழிவுகள் ஏற்படாமல் தடுப்பதற்கான செயல்திட்டத்தை வகுக்க உத்தரவிடக் கோரி உச்சநீதிமன்றத்தில் பொது நல மனு தாக்கல் செய்யப்பட்டது.