ஆம்பூர் கலவர வழக்கில் 161 பேர் விடுதலை; 22 பேருக்கு சிறைத் தண்டனை

முன்னாள் எம்எல்ஏவின் சொத்துகளைப் பறிமுதல் செய்து இழப்பீடு வழங்க உத்தரவு

- 

திருப்பத்தூர், ஆக. 28: ஆம்பூர் கலவர வழக்கில் 161 பேர் விடுதலை செய்யப்பட்ட நிலையில், 22 பேருக்கு சிறைத் தண்டனையும், ரூ. 24 லட்சம் அபராதம் விதித்தும் திருப்பத்தூர் நீதிமன்றம் தீர்ப்பளித்தது.

வேலூர் மாவட்டம், பள்ளிகொண்டா குச்சிப்பாளையம் பகுதியைச் சேர்ந்தவர் பழனி. இவரது மனைவி பவித்ரா (25). பள்ளிகொண்டாவில் தோல் காலணி நிறுவனத்தில் வேலை செய்து வந்த இவர், கடந்த 2015 மே மாதம் மாயமானார். இதுகுறித்து அப்போதைய பள்ளிகொண்டா காவல் ஆய்வாளர் மார்டின் பிரேம்ராஜ் விசாரணை நடத்தினார். இது தொடர்பாக பவித்ராவுடன் தொழிற்சாலையில் பணிபுரிந்த ஆம்பூரைச் சேர்ந்த ஷமீல் அஹமத் (26) என்பவரை 15.6.2015 அன்று ஆய்வாளர் மார்ட்டின் பிரேம்ராஜ், அங்குள்ள காவலர் குடியிருப்பில் அடைத்து வைத்து விசாரித்தார். அப்போது, ஷமீல் அஹமதுவுக்கு திடீரென உடல் நலக்குறைவு ஏற்பட்டு, சென்னை ராஜீவ் காந்தி அரசு பொது மருத்துவமனையில் அனுமதிக்கப்பட்டு, உயிரிழந்தார்.