நிரந்தரமாக புலம்பெயர்ந்தவர்களை வாக்காளர் பட்டியலில் சேர்க்க முடியாது

தலைமைத் தேர்தல் ஆணையர் திட்டவட்டம்

- 

புது தில்லி, ஜூலை 24: பிகாரில் வாக்காளர் பட்டியல் சிறப்பு தீவிர திருத்தத்துக்கு எதிர்க்கட்சிகள் கடும் எதிர்ப்பு தெரிவித்து வரும் நிலையில், 'இறந்தவர்கள், நிரந்தரமாக புலம்பெயர்ந்தவர்களை வாக்காளர் பட்டியலில் சேர்க்க முடியாது' என்று தலைமைத் தேர்தல் ஆணையர் ஞானேஷ் குமார் வியாழக்கிழமை திட்டவட்டமாகத் தெரிவித்தார்.

தகுதியற்ற வாக்காளர்களை முதலில் பிகாரிலும் பின்னர் ஒட்டுமொத்த நாட்டிலும் வாக்களிக்க அனுமதிப்பது, அரசமைப்புச் சட்டத்துக்கு எதிரானது' என்றும் அவர் சுட்டிக்காட்டினார்.

பிகார் மாநிலத்தில் நிகழாண்டு இறுதியில் சட்டப்பேரவைத் தேர்தல் நடைபெற உள்ள நிலையில், போலி வாக்காளர்களை வாக்காளர் பட்டியலில் இருந்து களையும் பொருட்டு, மாநில வாக்காளர் பட்டியலை சிறப்பு தீவிர திருத்தம் செய்யும் பணியை இந்திய தேர்தல் ஆணையம் மேற்கொண்டு வருகிறது.