ஆட்சியில் பங்கு கிடையாது

அதிமுக தனித்து ஆட்சியமைக்கும்; ஆட்சியில் பங்கு தர நாங்கள் ஒன்றும் ஏமாளி அல்ல என அக்கட்சியின் பொதுச் செயலர் எடப்பாடி கே. பழனிசாமி திட்டவட்டமாகத் தெரிவித்தார்.

- 

திருத்துறைப்பூண்டி, ஜூலை 20:

மக்களைக் காப்போம், தமிழகத்தை மீட்போம் சுற்றுப்பயணத்தின் ஒரு பகுதியாக, திருவாரூர் மாவட்டம், திருத்துறைப்பூண்டி காமராஜர் சிலை அருகே சனிக்கிழமை இரவு நடைபெற்ற பொதுக்கூட்டத்தில் அவர் மேலும் பேசியதாவது:

தந்தையின் அடையாளத்தை வைத்து அரசியலுக்கு வந்தவர் ஸ்டாலின் என்பதை யாரும் மறுக்க முடியாது. ஆனால், நான் சாதாரண விவசாயக் குடும்பத்தில் பிறந்து, கிளைச் செயலர், ஒன்றியச் செயலர், மாவட்டச் செயலர் எனப் படிப்படியாக உயர்ந்து முதல்வர் பதவிக்கு வந்தேன்.