3,935 பணியிடங்களுக்கு 13.89 லட்சம் பேர் போட்டி

தமிழ்நாடு முழுவதும் சனிக்கிழமை (ஜூலை 12) நடைபெறும் குரூப் 4 தேர்வை 13.89 லட்சம் பேர் எழுதவுள்ளனர்.

- 

சென்னை, ஜூலை 11:

மொத்தமுள்ள 3,935 காலிப் பணியிடங்களுக்கு நடைபெறவுள்ள தேர்வைக் கண்காணிக்கும் முதன்மை கண்காணிப்பாளர் பணியில் 4,922 பேர் ஈடுபடுத்தப்பட்டுள்ளனர்.

கிராம நிர்வாக அலுவலர்கள், இளநிலை உதவியாளர்கள், தட்டச்சர் மற்றும் சுருக்கெழுத்து தட்டச்சர்கள், உதவியாளர்கள், வனக் காவலர், வனக் காப்பாளர்கள் உள்ளிட்ட 3,935 காலிப்பணியிடங்கள் குரூப் 4 பிரிவில் உள்ளன. இந்தப் பணியிடங்களை நிரப்புவதற்கான தேர்வு அறிவிக்கையை தமிழ்நாடு அரசுப் பணியாளர் தேர்வாணையம் (டி.என்.பி.எஸ்.சி) கடந்த ஏப்ரல் 25-இல் வெளியிட்டது.