பகுதியளவு அமலுக்கு வந்தது தேசிய விளையாட்டு நிர்வாகச் சட்டம்

தேசிய விளையாட்டு நிர்வாகச் சட்டத்தின் சில விதிகள் வியாழக்கிழமை முதல் அமலுக்கு வந்ததாக மத்திய விளையாட்டு அமைச்சகம் அறிவித்தது.

- 

நாடாளுமன்றத்தில் நிறைவேறிய பிறகு, கடந்த ஆண்டு ஆகஸ்ட் 18-ஆம் தேதி அறிவிக்கை வெளியிடப்பட்ட இந்த சட்டத்தில், தேசிய விளையாட்டு வாரியம், தேசிய விளையாட்டு தீர்ப்பாயம் ஆகியவற்றை அமைப்பது தொடர்பான சட்ட விதிகள் அமலுக்கு வருவதாக அமைச்சகம் புதன்கிழமை நள்ளிரவு வெளியிட்ட அறிக்கையில் கூறப்பட்டுள்ளது.

அத்துடன், தேசிய விளையாட்டு சம்மேளனங்கள், தேசிய ஒலிம்பிக் கமிட்டி, தேசிய பாராலிம்பிக் கமிட்டி, மாநில சங்கங்கள் உள்ளிட்டவை தொடர்பான விதிகளும் அமலுக்கு வந்துள்ளன.