சங்கரன்கோவில் நகர்மன்றத் தலைவருக்கு எதிரான நம்பிக்கையில்லாத் தீர்மானம்: ரகசிய வாக்கெடுப்பு நடத்த உத்தரவு

தென்காசி மாவட்டம் சங்கரன்கோவில் நகர்மன்றத் தலைவருக்கு எதிரான நம்பிக்கையில்லாத் தீர்மான விவகாரத்தில், ரகசிய வாக்கெடுப்பு நடத்த சென்னை உயர்நீதிமன்ற மதுரை அமர்வு செவ்வாய்க்கிழமை உத்தரவிட்டது.

- 

மதுரை, ஜூலை 9:

சங்கரன்கோவிலைச் சேர்ந்த ஜி. உமா மகேஸ்வரி உயர்நீதிமன்ற மதுரை அமர்வில் தாக்கல் செய்த மனு: சங்கரன்கோவில் நகராட்சியில் உள்ள 30 வார்டுகளில் அதிமுகவுக்கு 12, திமுகவுக்கு 9, மதிமுகவுக்கு 2, காங்கிரஸ், எஸ்டிபிஐ கட்சிகளுக்கு தலா ஒரு உறுப்பினர், 5 சுயேச்சைகள் உள்ளனர். நான், 2022 மார்ச் மாதம் நகர்மன்றத் தலைவராக தேர்வு செய்யப்பட்டேன்.