பாமக வேட்பாளர்களின் ஏ, பி படிவங்களில் நானே கையொப்பமிடுவேன்

சட்டப்பேரவைத் தேர்தலில் பாமக வேட்பாளர்களின் ஏ, பி படிவங்களில் நானே கையொப்பமிடுவேன் என அந்தக் கட்சியின் நிறுவனர் ச.ராமதாஸ் திட்டவட்டமாகத் தெரிவித்தார்.

- 

விழுப்புரம், ஜூலை 8:

விழுப்புரம் மாவட்டம், திண்டிவனம் அருகிலுள்ள ஓமந்தூரில் செவ்வாய்க்கிழமை பாமக மாநிலச் செயற்குழுக் கூட்டம் ராமதாஸ் தலைமையில் நடைபெற்றது. கூட்டத்தில் அவர் பேசியது:

96,000 கிராமங்கள், நகரங்கள், பேரூர்களுக்குச் சென்று வன்னியர் சங்கத்தை, பாட்டாளி மக்கள் கட்சியை வளர்த்தவன் நான். என் வலியைத் தெரிந்தவர்கள், அறிந்தவர்கள் இங்கு வந்திருக்கிறீர்கள். இன்னும் வராத 95 சதவீதத்தினர் வீடுகளிலேயே இருந்து நிகழ்வைப் பார்த்துக்கொண்டிருக்கிறார்கள். என் வலி அவர்களுக்குத் தெரியும்.

வருகிற 2026 சட்டப்பேரவைத் தேர்தலை நாம் கூட்டணியுடன் சந்திக்க முடிவு செய்துள்ளோம். அதற்கான அதிகாரத்தை நீங்களும் எனக்கு இந்த செயற்குழுக் கூட்டத்தின் மூலம் ஏகமனதாக வழங்கியிருக்கிறீர்கள். ஏற்கெனவே நிர்வாகக் குழுவும் இதே அதிகாரத்தை எனக்கு வழங்கியிருக்கிறது.