தமிழகத்தில் 14 கிளைச் சிறைகள் நிரந்தரமாக மூடல்: மாநில அரசு உத்தரவு

தமிழகத்தில் 14 கிளைச் சிறைகளை நிரந்தரமாக மூடுமாறு மாநில அரசு உத்தரவிட்டது.

- 

சென்னை, ஜூன் 28:

தமிழக சிறைத் துறையின் 9 மத்திய சிறைகள், 149 மாவட்ட சிறைகள், பெண்களுக்கான 5 தனிச் சிறைகள், 96 கிளைச் சிறைகள், 3 திறந்தவெளி சிறைகள் உள்பட மொத்தம் 141 சிறைகள் இருந்தன. இந்த சிறைகளில் 24,513 பேரை அடைப்பதற்குரிய கட்டமைப்பு இருந்தன. தற்போது இச் சிறைகளில், சுமார் 20 ஆயிரம் கைதிகள் அடைக்கப்பட்டுள்ளனர். சிறைகளில் உள்ளவர்களில் சுமார் 70 சதவீதம் பேர் விசாரணைக் கைதிகள். எஞ்சிய 30 சதவீதம் பேரே தண்டனை கைதிகளாவர்.

உச்சநீதிமன்ற உத்தரவு: நாடு முழுவதும் பாதுகாப்பற்று பழுதடைந்த நிலையிலும், கைதிகளுக்கு போதிய அடிப்படை வசதிகள் இல்லாமலும், பாதுகாப்பு குறைபாடுகளுடனும், போதுமான கைதிகள் இன்றியும் இருக்கும் சிறைகளை மூடுமாறு உச்ச நீதிமன்றம் கடந்த ஆண்டு உத்தரவிட்டது. இதற்காக வருவாய்த் துறை, நீதித் துறை, சிறைத் துறை ஆகிய துறைகளைச் சேர்ந்த உயர் அதிகாரிகள் அடங்கிய குழு அமைத்து, அனைத்து கிளைச் சிறைகளையும் ஆய்வு செய்து, தகுதியற்ற சிறைகளை கண்டறியலாம் எனவும் உச்சநீதிமன்றம் அறிவுறுத்தியது. இதன்படி, தமிழகம் முழுவதும் கிளைச் சிறைகளை இந்தக் குழுவினர் ஆய்வு செய்தனர்.