2011 தேர்தலில் காங்கிரஸ்தான் திமுகவை மிரட்டியது

2011 பேரவைத் தேர்தலில் காங்கிரஸ்தான் திமுகவை மிரட்டியது என அதிமுக பொதுச் செயலர் எடப்பாடி கே.பழனிசாமி கூறினார்.

- 

சென்னை, மே 3:

சென்னை தியாகராயநகரில் சனிக்கிழமை இரவு நடைபெற்ற மே தின பொதுக்கூட்டத்தில் அவர் பேசியது: உதயநிதியை துணை முதல்வராக ஆக்கியது மட்டுமே 4 ஆண்டுகால திமுக ஆட்சியின் சாதனை. ஏழைகள் மற்றும் பிற மக்களுக்கான எந்தத் திட்டத்தையும் திமுக நிறைவேற்றவில்லை.

2026 பேரவைத் தேர்தலில் திமுகவின் குடும்ப ஆட்சி, வாரிசு அரசியல் மற்றும் மன்னர் ஆட்சிக்கு முடிவுகட்டப்படும். திமுக ஆட்சியை அகற்ற மக்கள் காத்திருக்கின்றனர்.

அதிமுக-பாஜக கூட்டணி அமைந்ததால் முதல்வர் ஸ்டாலினுக்கு பதற்றம் வந்துவிட்டது. பேரவையில் அவர் பேசும்போது இது தெளிவாகத் தெரிந்தது.