கச்சத்தீவை இலங்கையிடம் ஒப்படைத்தது அரசமைப்புச் சட்டத்துக்கு எதிரானது

மக்களவையில் டி.ஆர்.பாலு பேச்சு

- நமது நிருபர்

நமது நிருபர் புது தில்லி, ஏப்.3: கச்சத்தீவை இலங்கையிடம் ஒப்படைத்தது அரசமைப்புச் சட்டத்துக்கு எதிரானது என்று மக்களவையில் திமுக எம்.பி. டி.ஆர். பாலு வியாழக்கிழமை தெரிவித்தார்.

இது தொடர்பாக மக்களவையில் வியாழக்கிழமை நடைபெற்ற நேரமில்லா நேரத்தில் ஸ்ரீபெரும்புதூர் தொகுதி திமுக உறுப்பினரும்,மக்களவை திமுக குழுத்தலைவருமான டி.ஆர். பாலு பேசியதாவது: இந்தியாவின் ஒரு பகுதியான கச்சத்தீவை இலங்கைக்கு ஒப்படைத்தது தொடர்பாக தமிழக சட்டப் பேரவையில் முதல்வர் மு.க.ஸ்டாலின் முன்மொழிந்த சிறப்புத் தீர்மானம் புதன்கிழமை நிறைவேற்றப்பட்டது.

இலங்கைக்கு கச்சத்தீவைக் கொடுத்தது அரசமைப்புச் சட்டத்துக்கு எதிரானது. ஏனெனில், 1974-இல் சர்வதேச கடல் எல்லை உடன்படிக்கையானது இந்தியா-இலங்கை இடையே மேற்கொள்ளப்பட்டது.