பாகிஸ்தானுக்கு சட்டவிரோதமாக மருந்து ஏற்றுமதி: தெலங்கானா நிறுவனத்தின் சொத்துகள் முடக்கம்

பாகிஸ்தானுக்கு சட்டவிரோதமாக மருந்துகளை ஏற்றுமதி செய்த குற்றச்சாட்டில் பண முறைகேடு தடுப்புச் சட்டத்தின்கீழ் (பிஎம்எல்ஏ)தெலங்கானா மாநிலத்தைச் சேர்ந்த மருந்து நிறுவனத்தின் சொத்துகளை முடக்கியதாக அமலாக்கத்துறை வியாழக்கிழமை தெரிவித்தது.

- 

புது தில்லி, பிப்.20:

தெலங்கானாவின் சங்கா ரெட்டி மாவட்டத்தில் உள்ள லூசன்ட் மருந்து நிறுவனத்தின் நிலம், கட்டடம் மற்றும் தொழிற்சாலை என ரூ.5.67 கோடி மதிப்பிலான சொத்துகளை அமலாக்கத்துறை முடக்கியது.

மனிதர்களின் உணர்வுகளை பாதிக்கும் மருந்துகளுக்கான கட்டுப்பாட்டு விதிகளை மீறி வலி நிவாரணியான 'ட்ரமடால்' மருந்தை சட்டவிரோதமாக ஏற்றுமதி செய்ததோடு ஆவண முறைகேட்டில் ஈடுபட்டதாக லூசன்ட் நிறுவனம் மீது போதைப்பொருள் கட்டுப்பாட்டு ஆணையம் (என்சிபி) புகார் அளித்தது.