ஒலிம்பிக்ஸில் பதக்கம் பெறுவதே லட்சியம்...

“ஒலிம்பிக்ஸ் போட்டிகளில் பதக்கம் பெறுவதே இலக்கு, எதிர்காலத்தில் ஜிம்னாஸ்டிக்ஸ் கோச்சிங் அகாதெமியைத் தொடங்குவதே லட்சியம்” என்கிறார் பதினோறு வயதான அவ்னி.

- -ஜி. மீனாட்சி

தமிழ்நாட்டைச் சேர்ந்த கணபதி - ஜெயஸ்ரீ தம்பதியின் மகளான இவர், ஐந்தாம் வகுப்பு பயின்று வருகிறார். தனது பெற்றோருடன் பெங்களூரில் வசித்து வருகிறார்.

மகாராஷ்டிரா மாநிலத்துக்கு உள்பட்ட ஷீரடியில் அண்மையில் நடைபெற்ற அகில இந்திய அளவிலான சி.பி.எஸ்.இ. கல்வி நிறுவனங்களுக்கான ஜிம்னாஸ்டிக்ஸ் போட்டியில், 11 வயதுக்கு உட்பட்டவர்கள் பிரிவில் தங்கப் பதக்கத்தை அவ்னி வென்றுள்ளார். 350 சிறுமிகள் பங்கேற்ற இந்தப் போட்டியில், ஜிம்னாஸ்டிக்ஸின் நான்கு வெவ்வேறு போட்டிகளில் அவ்னி பங்கேற்று, மூன்றாமிடம் பெற்று, வெண்கலப் பதக்கத்தையும் வென்றார். அவரிடம் பேசியபோது: