சிறுநீரக முறைகேடு: இரு தனியார் மருத்துவமனைகளின் சிகிச்சை உரிமம் ரத்து விசாரணை அறிக்கையின் அடிப்படையில் நடவடிக்கை

முறைகேடாக சிறுநீரக மாற்று சிகிச்சை செய்த விவகாரத்தில் இரு தனியார் மருத்துவமனைகளில் சிறுநீரக மாற்று சிகிச்சை மேற்கொள்வதற்கு வழங்கப்பட்ட உரிமம் நிரந்தரமாக ரத்து செய்ய நடவடிக்கை எடுக்கப்படும் என்று மக்கள் நல்வாழ்வுத் துறை தெரிவித்தது.

- 

சென்னை, ஆக. 10:

இதேபோன்று உறுப்பு மாற்று சிகிச்சை முறைகேடுகளைத் தவிர்க்க மாநில அளவில் புதிய குழு அமைக்கப்படும் என்றும் கூறியுள்ளது.

நாமக்கல் மாவட்டம் பள்ளிபாளையத்தில் முறைகேடாக சிறுநீரக மாற்று அறுவை சிகிச்சை மேற்கொள்ளப்பட்டதாக எழுந்த புகாரின் அடிப்படையில், தமிழ்நாடு சுகாதார சேவைகள் திட்ட இயக்குநர் டாக்டர் வினித் தலைமையில் விசாரணைக்குழு அமைக்கப்பட்டது.

இதன்படி, டாக்டர் எஸ்.வினீத், மருத்துவம் மற்றும் ஊரக நலத் துறை இணை இயக்குநர் (சட்டம்) டாக்டர் மீனாட்சி சுந்தரி, இணை இயக்குநர்கள் டாக்டர் ராஜ்மோகன், கே.மாரிமுத்து, காவல் துணை கண்காணிப்பாளர் சீத்தாராமன் ஆகியோர் அடங்கிய குழு பெரம்பலூரில் உள்ள தனலட்சுமி சீனிவாசன் மருத்துவக் கல்லூரி மருத்துவமனை மற்றும் திருச்சியில் உள்ள சிதார் மருத்துவமனையில் விரிவான விசாரணை மேற்கொண்டனர்.