ஆளுநருக்கு எதிரான மனுவை கேரளம் திரும்பப் பெற மத்திய அரசு எதிர்ப்பு

மாநில சட்டப்பேரவையில் நிறைவேற்றப்பட்ட மசோதாக்களுக்கு ஒப்புதல் அளிக்க தாமதிப்பதாக ஆளுநருக்கு எதிராக உச்சநீதிமன்றத்தில் தாக்கல் செய்த மனுவை கேரள அரசு திரும்ப பெறுவதற்கு மத்திய அரசு தரப்பில் செவ்வாய்க்கிழமை எதிர்ப்பு தெரிவிக்கப்பட்டது.

- 

புது தில்லி, மே 6:

இருந்தபோதும், மனுவைத் திரும்பப் பெற கேரள அரசுக்கு உரிமை உண்டு என்று குறிப்பிட்ட உச்சநீதிமன்றம், விசாரணையை வரும் 13-ஆம் தேதிக்கு ஒத்திவைத்தது.

கடந்த 2023-ஆம் ஆண்டு கேரள ஆளுநராக ஆரிஃப் முகமது கான் இருந்தபோது, மாநில சட்டப்பேரவையில் நிறைவேற்றப்பட்ட மசோதாக்களுக்கு 2 ஆண்டுகளாக ஒப்புதல் அளிக்காமல் தாமதம் செய்து வருவதாக அவருக்கு எதிராக மாநில அரசு சார்பில் உச்சநீதிமன்றத்தில் வழக்கு தொடரப்பட்டது. இந்த வழக்கை விசாரித்த உச்சநீதிமன்றம், கேரள ஆளுநருக்கு கடும் அதிருப்தியைத் தெரிவித்தது.