திருச்சிக்கு நாளை முதல்வர் வருகை

பஞ்சப்பூர் பேருந்து முனைய திறப்பு விழாவில் பங்கேற்பு

- 

திருச்சி, மே 6: திருச்சி மாவட்டத்தில் நடைபெறும் பேருந்து முனையத் திறப்பு விழா உள்ளிட்ட பல்வேறு நிகழ்வுகளில் பங்கேற்க முதல்வர் மு.க. ஸ்டாலின் வியாழக்கிழமை திருச்சிக்கு வருகிறார்.

திருச்சி அருகேயுள்ள பஞ்சப்பூரில் 115.68 ஏக்கரில் ஒருங்கிணைந்த பேருந்து முனையம், சரக்கு வாகன முனையம், தனியார் ஆம்னி பேருந்து நிலையம், தீயணைப்பு நிலையம், காவல் நிலையம் உள்ளிட்டவை ரூ. 900 கோடியில் கட்டப்படுகின்றன. இவற்றில் ரூ. 493 கோடியில் பணி முடிந்த பேருந்து முனையம், கனரக சரக்கு வாகன முனையம் ஆகியவை வெள்ளிக்கிழமை திறக்கப்படுகின்றன.

இந்த விழாவுக்காக பேருந்து முனையம் அருகே பிரம்மாண்ட பந்தலுடன் மேடை, 50 ஆயிரத்துக்கும் மேற்பட்டோர் அமரும் வகையில் இருக்கைகள் அமைக்கப்பட்டுள்ளன. பஞ்சப்பூர் பகுதியே விழாக் கோலம் பூண்டுள்ளது.