பிரதமர் நரேந்திர மோடி இன்று தாய்லாந்து பயணம்

பிம்ஸ்டெக் உச்சி மாநாட்டில் பங்கேற்கிறார்

- 

பாங்காக், ஏப். 2: பிரதமர் நரேந்திர மோடி, இரண்டு நாள் அரசுமுறைப் பயணமாக தாய்லாந்துக்கு வியாழக்கிழமை (ஏப்.3) செல்கிறார்.

இந்தப் பயணத்தின்போது 6-ஆவது பிம்ஸ்டெக் உச்சி மாநாட்டில் கலந்துகொள்ளும் பிரதமர் மோடி, தாய்லாந்து பிரதமர் பேடோங்டார்ன் ஷினவத்ராவுடன் இருதரப்பு பேச்சுவார்த்தையிலும் ஈடுபடுகிறார்.

பன்முக கூட்டுறவுக்காக வங்காள விரிகுடாவையொட்டிய இந்தியா, வங்கதேசம், பூடான், மியான்மர், நேபாளம், இலங்கை, தாய்லாந்து ஆகிய ஏழு தெற்கு மற்றும் தென்கிழக்கு ஆசிய நாடுகளை 'பல்துறை தொழில்நுட்ப மற்றும் பொருளாதார ஒத்துழைப்புக்கான வங்காள விரிகுடா முன்னெடுப்பு (பிம்ஸ்டெக்) ஒன்றிணைக்கிறது. இக்கூட்டமைப்பின் 6-ஆவது உச்சிமாநாடு தாய்லாந்து தலைநகர் பாங்காக்கில் ஏப்ரல் 2 முதல் 4-ஆம் தேதிவரை நடைபெறுகிறது.