கோயில் விழாவில் தகராறு: போலீஸாரை கண்டித்து சாலை மறியல்

ஆலங்குடி மார்ச் 18: புதுக்கோட்டை மாவட்டம் ஆலங்குடி அருகே காவல் ஆய்வாளர் தாக்கப்பட்ட சம்பவத்தில் போலீஸார் ஒரு தலைப்பட்சமாக செயல்படுவதாகக் கூறி ஒரு தரப்பினர் செவ்வாய்க்கிழமை இரவு சாலை மறியலில் ஈடுபட்டனர்.

- 

ஆலங்குடி அருகேயுள்ள கோவிலூரில் பழைமைவாய்ந்த லோகநாயகி உடனுறை பாலபுரீசுவரர் கோயிலில் திங்கள்கிழமை கும்பாபிஷேகம் நடைபெற்றது. கும்பாபிஷேக முன்னேற்பாடு பணிகளை யார் முன்னின்று செய்வது என்பதில் இரு தரப்பினரிடையே கருத்துவேறுபாடு ஏற்பட்டு அவ்வப்போது தகராறும் ஏற்பட்டது.