அதிக வரி விதிக்கும் இந்தியாவுக்கு நிதியுதவி ஏன்?

அமெரிக்க அதிபர் டிரம்ப் கேள்வி

- 

நியூயார்க், பிப். 19: 'உலகிலேயே அதிக வரி விதிக்கும் நாடுகளில் ஒன்றான இந்தியாவில் வாக்குப் பதிவை அதிகரிக்க அமெரிக்கா ஏன் 2.1 கோடி டாலர் (சுமார் ரூ.182 கோடி) நிதியுதவியை வழங்க வேண்டும்' என்று அந்நாட்டு அதிபர் டொனால்ட் டிரம்ப் கேள்வி எழுப்பினார்.

இந்திய தேர்தல்களில் வாக்குப் பதிவு விகிதத்தை அதிகரிப்பதற்கு வழங்கத் திட்டமிடப்பட்ட அமெரிக்க அரசு நிதியுதவியை, தொழிலதிபர் எலான் மஸ்க் தலைமையிலான அந்நாட்டு அரசு செயல்திறன் மேம்பாட்டுத் துறை (டிஓஜிஇ) கடந்த ஞாயிற்றுக்கிழமை ரத்து செய்தது.