மதுரை மீனாட்சி அம்மன் பட்டாபிஷேகம்

மதுரை சித்திரைத் திருவிழாவின் 8ஆம் நாளான ஞாயிற்றுக்கிழமை மீனாட்சி அம்மனுக்கு பட்டாபிஷேகம் நடைபெற்றது.

- 

ராயர் கிரீடம், செங்கோலுடன் காட்சியளித்த மீனாட்சி அம்மன்.

இந்தக் கோயிலின் சித்திரைத் திருவிழா கடந்த 19-ஆம் தேதி கொடியேற்றத்துடன் தொடங்கியது. இதையொட்டி, சுந்தரேசுவரர் பிரியாவிடையுடனும், மீனாட்சி அம்மன் தனியாகவும் தினமும் வெவ்வேறு வாகனங்களில் எழுந்தருளி மாசி வீதிகளில் வலம் வரும் நிகழ்வு நடைபெறுகிறது.

சித்திரைத் திருவிழாவின் முக்கிய நிகழ்ச்சிகளில் ஒன்றான மீனாட்சி அம்மன் பட்டாபிஷேக விழா ஞாயிற்றுக்கிழமை இரவு நடைபெற்றது.

மதுரையை ஆட்சி செய்த பாண்டிய மன்னன் மலையத்துவ ராஜனுக்கு மகளாகப் பிறந்த இளவரசி மீனாட்சிக்கு அரசியாக பட்டம் சூட்டியதை குறிக்கும் வகையில் இந்த ஐதீக விழா நடைபெற்றது.