வ.உ.சி. துறைமுக ஆணையக் கோப்பை மாநில ஹாக்கி போட்டி: தூத்துக்குடி மாவட்ட அணி சாம்பியன்

கோவில்பட்டி, ஜூலை 27: ஹாக்கி யூனிட் தமிழ்நாடு, ஹாக்கி யூனிட் தூத்துக்குடி ஆகியவை இணைந்து நடத்திய வ.உ.சி. துறைமுக ஆணையக் கோப்பைக்கான ஜூனியர் ஆண்கள் மாநில ஹாக்கி இறுதிப் போட்டியில் தூத்துக்குடி மாவட்ட அணி சாம்பியன் பட்டத்தைப் பெற்றது.

- 

இப்போட்டி கோவில்பட்டியில் கடந்த ஜூலை 23ஆம் தேதி முதல் நடைபெற்று வந்தது. லீக், நாக்-அவுட் முறையில் போட்டிகள் நடைபெற்றன.

கோவில்பட்டி கிருஷ்ணா நகர் செயற்கையிழை ஹாக்கி மைதானத்தில் ஞாயிற்றுக்கிழமை காலை நடைபெற்ற முதல் அரையிறுதி ஆட்டத்தில், தூத்துக்குடி மாவட்ட அணியும், விருதுநகர் மாவட்ட அணியும் மோதின. இதில், 7-0 என்ற கோல் கணக்கில் தூத்துக்குடி மாவட்ட அணி வெற்றி பெற்று இறுதிப் போட்டிக்கு முன்னேறியது.