சொத்துக் குவிப்பு வழக்குகள் மறுவிசாரணை விவகாரம் தமிழக அமைச்சர்களின் மேல்முறையீட்டு மனுக்கள் மீதான விசாரணை ஒத்திவைப்பு

தமிழக அமைச்சர்கள் தங்கம் தென்னரசு, கே.கே.எஸ்.எஸ். ஆர். ராமச்சந்திரன் உள்ளிட்டோருக்கு எதிரான சொத்துக் குவிப்பு வழக்குகளை மீண்டும் விசாரிக்க சென்னை உயர்நீதிமன்றம் பிறப்பித்த உத்தரவுக்கு எதிரான அமைச்சர்களின் மேல்முறையீட்டு மனுக்கள் மீதான விசாரணையை ஆகஸ்ட் 11-ஆம் தேதிக்கு பட்டியலிட உச்சநீதிமன்றம் வெள்ளிக்கிழமை உத்தரவிட்டது.

- நமது நிருபர்

நமது நிருபர் புது தில்லி, ஜூலை 18:

மேலும், இந்த விவகாரத்தில் தமிழக அரசு பிரமாண பத்திரம் தாக்கல் செய்யவும் அனுமதி அளித்தது.

தங்களுக்கு எதிரான சொத்துக் குவிப்பு வழக்குகளை மறுவிசாரணை செய்ய சென்னை உயர்நீதிமன்ற தனி நீதிபதி பிறப்பித்த உத்தரவுக்கு எதிராக அமைச்சர்கள் தங்கம் தென்னரசு, கே.கே.எஸ். எஸ்.ஆர். ராமச்சந்திரன் உள்ளிட்டோர் கடந்த ஆண்டு உச்சநீதிமன்றத்தில் முறையீட்டு மனுக்களைத் தாக்கல் செய்தனர்.