மத்திய அரசின் வளர்ச்சித் திட்டப் பணிகள்: எம்.பி., ஆட்சியர் ஆய்வு

திருநெல்வேலி மாவட்ட ஆட்சியர் அலுவலகக் கூட்டரங்கில், திருநெல்வேலி மாவட்ட வளர்ச்சி ஒருங்கிணைப்பு மற்றும் கண்காணிப்புக் குழு கூட்டம் வியாழக்கிழமை நடைபெற்றது.

- 

திருநெல்வேலி, ஜூலை 17: அதில், மத்திய அரசால் செயல்படுத்தப்பட்டு வரும் 34 வகையிலான திட்டங்கள் குறித்து துறை ரீதியாக திருநெல்வேலி மக்களவை உறுப்பினர் செ.ராபர்ட் புரூஸ், ஆட்சியர் இரா.சுகுமார் ஆகியோர் ஆய்வு செய்தனர்.

ஊரக வளர்ச்சி மற்றும் ஊராட்சித் துறை சார்பில் செயல்படுத்தப்பட்டு வரும் மகாத்மா காந்தி தேசிய ஊரக வேலை உறுதித் திட்டம், பிரதமரின் கிராமச் சாலைகள் திட்டம், பிரதமரின் குடியிருப்புத் திட்டம் (ஊரகம்), தூய்மை பாரத இயக்கம் (ஊரகம்), உயிர்நீர் இயக்கம் (ஜல் ஜீவன் திட்டம்), பிரதமரின் கிராம முன்னேற்றத் திட்டம், மக்களவை உறுப்பினர் உள்ளூர் பகுதி வளர்ச்சித் திட்டம் ஆகியவை குறித்து ஆய்வு செய்யப்பட்டது.