பாஜக எம்.பி. நிஷிகாந்த் துபே கருத்து ஏற்புடையதல்ல: ஃபட்னவீஸ்

மகாராஷ்டிரத்தில் ஹிந்தி எதிர்ப்பு, மராத்தி தெரியாதவர் மீதான தாக்குதல் தொடர்பாக பாஜக எம்.பி. நிஷிகாந்த் துபே தெரிவித்த கருத்துகள் சர்ச்சைக்குள்ளான நிலையில், அவரது கருத்துகள் ஏற்புடையதல்ல என்று முதல்வர் தேவேந்திர ஃபட்னவீஸ் அதிருப்தி தெரிவித்துள்ளார்.

- 

மும்பை, ஜூலை 8:

மகாராஷ்டிரத்தில் எதிர்க்கட்சிகள் குறிப்பாக உத்தவ் தாக்கரேவின் சிவசேனை (உத்தவ்), அவரது நெருங்கிய உறவினர் ராஜ் தாக்கரேவின் நவநிர்மாண் சேனை ஆகிய கட்சிகள் ஹிந்தி எதிர்ப்பு அரசியலை கையிலெடுத்துள்ளன. சில தினங்களுக்கு முன் மும்பை புறநகர் பகுதியில் ஹிந்தியில் பேசிய கடைக்காரர் ஒருவரை மராத்தியில் பேசுமாறு கூறி, அவரை இரு கட்சியினரும் அடித்து உதைத்த விடியோ காட்சிகள் சமூக வலைதளங்களில் பரவியது. அந்த கடைக்காரர் வடமாநிலத்தவர் என்பதால் அவருக்கு மராத்தி பேசத் தெரியவில்லை எனக் கூறப்படுகிறது.