கேதார்நாத் கோயில் நடை திறப்பு; ஆயிரக்கணக்கானோர் தரிசனம்

உத்தரகாண்டில் உள்ள பிரசித்தி பெற்ற கேதார்நாத் கோயில் நடை வெள்ளிக்கிழமை திறக்கப்பட்டது. முதல் நாளில் 12,000-க்கும் மேற்பட்ட பக்தர்கள் சுவாமி தரிசனம் மேற்கொண்டனர்.

- 

கேதார்நாத், மே 2:

இமயமலையில் 11,000 அடிக்கும் மேலான உயரத்தில் அமைந்துள்ள கேதார்நாத் கோயில், 12 ஜோதிர்லிங்கங்களில் 11-ஆவது தலமாகும்.

குளிர்காலத்தையொட்டி 6 மாதங்களுக்கு முன் மூடப்பட்ட இக்கோயிலின் நடை வெள்ளிக்கிழமை காலை 7 மணியளவில் திறக்கப்பட்டது. இதையொட்டி, உள்நாடு மற்றும் வெளிநாடுகளில் இருந்து வரவழைக்கப்பட்ட 10 டன்களுக்கும் அதிகமான 54 வகை மலர்களால் கோயில் வளாகம் அலங்கரிக்கப்பட்டிருந்தது.