'வெள்ளையனே வெளியேறு' இயக்கத்தை எதிர்த்தது ஆர்எஸ்எஸ்

'வெள்ளையனே வெளியேறு' இயக்கத்தின் போது, ஒட்டுமொத்த காங்கிரஸ் தலைவர்களும் கைதாகி சிறையில் அடைக்கப்பட்டனர்; அதேநேரம், இந்த இயக்கத்துக்கு ஆர்எஸ்எஸ் அமைப்பு எதிர்ப்பு தெரிவித்தது என்று காங்கிரஸ் கூறியுள்ளது.

- 

புது தில்லி, ஆக. 9: 'வெள்ளையனே வெளியேறு' இயக்கத்தின் போது, ஒட்டுமொத்த காங்கிரஸ் தலைவர்களும் கைதாகி சிறையில் அடைக்கப்பட்டனர்; அதேநேரம், இந்த இயக்கத்துக்கு ஆர்எஸ்எஸ் அமைப்பு எதிர்ப்பு தெரிவித்தது என்று காங்கிரஸ் கூறியுள்ளது.

இந்திய சுதந்திரப் போராட்ட வரலாற்றில், ஆங்கிலேய ஆட்சிக்கு எதிராக மகாத்மா காந்தியால் தொடங்கப்பட்ட 'வெள்ளையனே வெளியேறு' இயக்கம் முக்கிய மைல்கல்லாகும். கடந்த 1942, ஆகஸ்ட் 8-ஆம் தேதி மும்பை காங்கிரஸ் மாநாட்டில் இந்த இயக்கத்துக்கான தீர்மானம் நிறைவேற்றப்பட்டது. மகாத்மா காந்தியின் அழைப்பை ஏற்று, ஆகஸ்ட் 9-ஆம் தேதிமுதல் இப்போராட்டம் முன்னெடுக்கப்பட்டது.