மதுரை மாநகராட்சி திமுக மண்டலத் தலைவர்களை ராஜிநாமா செய்ய மு.க.ஸ்டாலின் உத்தரவு

மதுரை மாநகராட்சியின் திமுக மண்டலத் தலைவர்கள் அனைவரையும் ராஜிநாமா செய்ய முதல்வரும், திமுக தலைவருமான மு.க.ஸ்டாலின் உத்தரவிட்டுள்ளார்.

- 

சென்னை / மதுரை, ஜூலை 7:

மதுரை மாநகராட்சி மேயரின் கணவர் பொன் வசந்த், திமுகவிலிருந்து அண்மையில் நீக்கப்பட்டார். இந்த நிலையில், மாநகராட்சியின் அனைத்து மண்டலத் தலைவர்களையும் ராஜிநாமா செய்யச் சொல்லி முதல்வர் உத்தரவிட்டுள்ளார்.

சட்டப் பேரவை தொகுதி வாரியாக கட்சி நிர்வாகிகளைச் சந்தித்துப் பேசும் 'உடன்பிறப்பே வா' எனும் நிகழ்வை அவர் நடத்தி வருகிறார். அப்போது, தேவையான இடங்களில் பாரபட்சம் பார்க்காமல் பதவியைப் பறித்து நடவடிக்கைகள் எடுக்கப்படும் என மு.க.ஸ்டாலின் எச்சரித்திருந்தார்.

இந்நிலையில் திமுக மாநிலப் பொதுக்குழு கூட்டம் மதுரையில் கடந்த ஜூன் 1-ஆம் தேதி நடைபெற்றது. இதையொட்டி, முன்னேற்பாடுகள் ஆலோசனைக் கூட்டம் மே 23-ஆம் தேதி நடைபெற்றது. அதே தேதியில், மதுரை மாநகராட்சியின் மாமன்ற கூட்டமும் நடத்தப்பட்டது.