ரஷியாவுடன் வர்த்தகம்: இந்தியா, சீனா மீது 500% வரி

ரஷியாவுடன் வர்த்தகத்தில் ஈடுபடும் இந்தியா, சீனா போன்ற நாடுகள் மீது 500 சதவீத வரி விதிக்க அமெரிக்கா திட்டமிட்டுள்ளது.

- 

வாஷிங்டன், ஜூலை 2: இது தொடர்பான மசோதாவை, அமெரிக்க நாடாளுமன்ற மேலவையில் (செனட்) அறிமுகப்படுத்த அதிபர் டொனால்ட் டிரம்ப் ஒப்புதல் வழங்கியுள்ளார். ரஷியாவை பொருளாதார ரீதியில் தனிமைப்படுத்துவதுடன், உக்ரைன் மீதான போரை கைவிட்டு பேச்சுவார்த்தைக்கு நிர்பந்திக்கும் நோக்கில் இந்த நடவடிக்கையை டிரம்ப் நிர்வாகம் முன்னெடுத்துள்ளது. அதன்படி, ரஷியாவிடம் இருந்து அதிக அளவில் கச்சா எண்ணெய்-இதர எரிபொருள்களை இறக்குமதி செய்யும் நாடுகள் மீது கடும் வரி விதிப்பை மேற்கொள்ள முன்மொழியப்பட்டுள்ளது.