தாக்குதலால் ஈரான் அணுசக்தி திட்டங்கள் அழிக்கப்படவில்லை

அமெரிக்க உளவுத்துறை அறிக்கை

- 

வாஷிங்டன், ஜூன் 25: ஈரானின் அணுசக்தி மையங்களில் அமெரிக்கா கடந்த ஞாயிற்றுக்கிழமை நடத்திய சக்திவாய்ந்த தாக்குதலில் அந்த நாட்டின் அணுசக்தி திட்டங்களுக்கு பின்னடைவு ஏற்பட்டதே தவிர, முற்றிலும் அழிக்கப்படவில்லை என்று அமெரிக்க உளவுத்துறையின் ரகசிய அறிக்கையில் தெரிவிக்கப்பட்டது.

இதுகுறித்து ஊடகங்களில் கசிந்த அந்த அறிக்கையில் குறிப்பிடப்பட்டது:

ஈரான் அணுசக்தி மையங்களில் அமெரிக்கா நடத்திய தாக்குதலால் அந்த மையங்களில் தற்காலிக சேதங்கள் ஏற்பட்டுள்ளன. ஆனால் முக்கிய உள்கட்டமைப்பு மற்றும் அணுசக்தி திட்டங்கள் பாதுகாப்பாக உள்ளன. இதன் காரணமாக, ஈரானின் அணுசக்தி திட்டங்களுக்கு சில மாதங்கள் பின்னடைவு ஏற்படலாம். ஆனால், அவை முழுமையாக அழிக்கப்படவில்லை.