சொந்த மண்ணில் பெங்களூருக்கு முதல் வெற்றி

இந்தியன் பிரீமியர் லீக் கிரிக்கெட் போட்டியின் 42-ஆவது ஆட்டத்தில் ராயல் சேலஞ்சர்ஸ் பெங்களூரு 11 ரன்கள் வித்தியாசத்தில் ராஜஸ்தான் ராயல்ஸை வியாழக்கிழமை தோற்கடித்தது.

- 

பெங்களூரு, ஏப். 24:

நடப்பு சீசனில் சொந்த மண்ணில் 4-ஆவது ஆட்டத்தை விளையாடிய பெங்களூரு, அதில் முதல் வெற்றியைப் பதிவு செய்துள்ளது. முதலில் பெங்களூரு 20 ஓவர்களில் 5 விக்கெட்டுகள் இழப்புக்கு 205 ரன்கள் சேர்க்க, ராஜஸ்தான் 20 ஓவர்களில் 9 விக்கெட்டுகள் இழப்புக்கு 194 ரன்களே எடுத்தது.

முன்னதாக டாஸ் வென்ற ராஜஸ்தான், பேட் செய்ய வருமாறு பெங்களூரை அழைத்தது. பெங்களூரு இன்னிங்ஸை தொடங்கியோரில் பில் சால்ட் நிதானமாக விளையாட, விராட் கோலி அதிரடியாக விளாசினார். இந்த ஜோடி முதல் விக்கெட்டுக்கு 61 ரன்கள் சேர்த்தது.