தமிழகத்தில் 35,000 விநாயகர் சிலைகள் நாளை அமைப்பு

விநாயகர் சதுர்தி விழாவையொட்டி, தமிழகத்தில் புதன்கிழமை (ஆக.27) 13 ஆயிரம் இடங்களில் சுமார் 35,000 விநாயகர் சிலைகள் அமைக்கப்படுகின்றன. சதுர்த்தி விழா பாதுகாப்பு பணியில், மாநிலம் முழுவதும் ஒரு லட்சம் போலீஸார் ஈடுபடுகின்றனர்.

- 

சென்னை, ஆக.25:

விநாயகர் சதுர்த்தி பண்டிகை வரும் 27-ஆம் தேதி கொண்டாடப்படுகிறது. இதையொட்டி, இந்து முன்னணி, விசுவ ஹிந்து பரிஷத், சிவசேனை, இந்து மக்கள் கட்சி, பாரதிய ஜனதா கட்சி, ஆர்.எஸ்.எஸ். உள்ளிட்ட 65 இந்து அமைப்புகள் பொது இடங்களில் பிரம்மாண்ட விநாயகர் சிலைகளை அமைத்து வழிபடவுள்ளனர்.

முன்னதாக, பொது இடங்களில் விநாயகர் சிலைகளை வைப்பதற்கு உயர்நீதிமன்றம் வழங்கியுள்ள வழிகாட்டு நெறிமுறைகளை பின்பற்ற வேண்டும், தீயணைப்புத்துறை, மாநகராட்சி நிர்வாகத்திடம் தடையில்லா சான்றிதழ் பெற வேண்டும், காவல்துறையின் கட்டுப்பாடுகளை கடைபிடிக்க வேண்டும் என்று தமிழக காவல்துறை தலைமை இயக்குநர் சங்கர் ஜிவால் உத்தரவிட்டிருந்தார்.