ராகுலுக்கு தேர்தல் ஆணையம் ஒரு வாரம் கெடு

வாக்குத் திருட்டு குற்றச்சாட்டு தொடர்பாக, தேர்தல் விதிமுறைகளின் கீழ் மக்களவை எதிர்க்கட்சித் தலைவர் ராகுல் காந்தி 7 நாள்களுக்குள் தனது கையொப்பத்துடன் உறுதிமொழிப் பத்திரம் சமர்ப்பிக்க வேண்டும்; தவறினால், அக்குற்றச்சாட்டுகள் அடிப்படையற்றவை-செல்லாதவை என்று உறுதி செய்யப்படும்.

- 

புது தில்லி, ஆக. 17: 'வாக்குத் திருட்டு குற்றச்சாட்டு தொடர்பாக, தேர்தல் விதிமுறைகளின் கீழ் மக்களவை எதிர்க்கட்சித் தலைவர் ராகுல் காந்தி 7 நாள்களுக்குள் தனது கையொப்பத்துடன் உறுதிமொழிப் பத்திரம் சமர்ப்பிக்க வேண்டும்; தவறினால், அக்குற்றச்சாட்டுகள் அடிப்படையற்றவை-செல்லாதவை என்று உறுதி செய்யப்படும். தேர்தல் ஆணையத்தின் மீது அடிப்படையற்ற குற்றச்சாட்டை சுமத்தியதற்காக, நாட்டு மக்களிடம் அவர் மன்னிப்பும் கேட்க வேண்டும் என்று தேர்தல் ஆணையம் தெரிவித்துள்ளது.

ஒரு பொய்யை திரும்பத் திரும்ப சொல்வதால் அது உண்மையாகி விடாது! என்றும் தேர்தல் ஆணையம் விமர்சித்துள்ளது.