குடியரசு துணைத் தலைவர் தேர்தலில் பொது வேட்பாளர்

குடியரசு துணைத் தலைவர் தேர்தலில் எதிர்க்கட்சிகளின் 'இண்டி' கூட்டணி சார்பில் பொது வேட்பாளரை நிறுத்தவுள்ளனர்; வேட்பாளர் தேர்வில் கருத்தொற்றுமையை எட்டுவது குறித்து கட்சிகளுடன் காங்கிரஸ் தலைவர் மல்லிகார்ஜுன கார்கே ஆலோசித்து வருவதாக தகவலறிந்த வட்டாரங்கள் ஞாயிற்றுக்கிழமை தெரிவித்தன.

- 

புது தில்லி, ஆக. 10:

குடியரசு துணைத் தலைவராக இருந்த ஜகதீப் தன்கர், கடந்த ஜூலை 21-ஆம் தேதி தனது பதவியை திடீரென ராஜிநாமா செய்தார்.

இந்நிலையில், குடியரசு துணைத் தலைவர் தேர்தலுக்கான அறிவிக்கையை தேர்தல் ஆணையம் கடந்த வியாழக்கிழமை வெளியிட்டது. வேட்புமனு தாக்கலுக்கு ஆகஸ்ட் 21-ஆம் தேதியும், மனுவை திருப்பப் பெற ஆகஸ்ட் 25-ஆம் தேதியும் கடைசி நாளாகும். போட்டி எழுந்தால், செப்டம்பர் 9-ஆம் தேதி தேர்தல் நடைபெறும். மக்களவை, மாநிலங்களவை எம்.பி.க்கள் வாக்களிப்பர்.