பிரதமர் மோடியுடன் ஈரான் அதிபர் பேச்சு

மேற்காசியாவில் உச்சகட்ட பதற்றம் நிலவும் சூழலில், பிரதமர் மோடியுடன் ஈரான் அதிபர் மசூத் பெசெஷ்கியன் ஞாயிற்றுக்கிழமை தொலைபேசியில் தொடர்பு கொண்டு பேசினார்.

- 

புது தில்லி, ஜூன் 22:

அப்போது, ஈரான்-இஸ்ரேல் மோதல் தொடர்பாக ஆழ்ந்த கவலை தெரிவித்த பிரதமர், பேச்சுவார்த்தை மற்றும் தூதரக வழிமுறைகளின் மூலம் உடனடியாக பதற்றத்தைத் தணிக்க வேண்டும் என்று அதிபரிடம் வலியுறுத்தினார்.

ஈரானில் மூன்று பிரதான அணுசக்தி மையங்கள் மீது சனிக்கிழமை இரவில் அமெரிக்கா தாக்குதல் நடத்தியது. ஒரு வாரத்திற்கும் மேலாக நீடித்துவரும் ஈரான்-இஸ்ரேல் போரில் அமெரிக்கா நுழைந்திருப்பதால், பிராந்திய மோதலாக உருவெடுக்கும் அபாயம் எழுந்துள்ளது.