சுகாதாரத் துறை எதிர்கொண்ட பிரச்னைகளை பிரதமர் மோடி அரசு திறம்படக் கையாண்டது

மத்திய அமைச்சர் அமித் ஷா

- 

பெங்களூரு, ஜூன் 20: சுகாதாரத் துறை எதிர்கொண்ட பிரச்னைகளை பிரதமர் மோடி தலைமையிலான அரசு திறம்பட கையாண்டது என்று மத்திய உள்துறை அமைச்சர் அமித் ஷா தெரிவித்தார்.

பெங்களூரில் வெள்ளிக்கிழமை நடைபெற்ற விழாவில் ஆதிசுன்சுனகிரி பல்கலைக்கழகத்தின் பெங்களூரு வளாகத்தைத் திறந்துவைத்து அவர் பேசியதாவது:

வறுமையின்போது எதிர்கொள்ளும் மிகப்பெரிய பிரச்னை உடல்நலமும், அதற்கான சிகிச்சை செலவும் தான். ஏழைகளின் சிகிச்சை செலவை அரசு நிர்வாகம் ஏற்றுக்கொள்ள வேண்டும் என்பதை பல ஆண்டுகளுக்கு முன்பே குஜராத்தில் (முதல்வராக இருந்தபோது) கூறியவர் எனது தலைவரும், பிரதமருமான நரேந்திர மோடி.