பாகிஸ்தான் தாக்குதலில் மேலும் 7 பேர் உயிரிழப்பு

4 நாள்களில் 20 கிராமவாசிகள் மரணம்

- 

ஜம்மு, மே 10: பாகிஸ்தானின் கடுமையான குண்டுவீச்சு மற்றும் துப்பாக்கிச்சூட்டில், ஜம்மு-காஷ்மீரில் மேலும் 7 பேர் சனிக்கிழமை உயிரிழந்தனர். பஹல்காம் தாக்குதலுக்குப் பதிலடியாக பாகிஸ்தான் பயங்கரவாத முகாம்களைக் குறிவைத்து இந்தியா தாக்குதல் நடத்தியதைத் தொடர்ந்து, 4 நாள்களில் பாகிஸ்தான் தாக்குதலில் ஜம்மு, பூஞ்ச், ரஜௌரி மற்றும் பாரமுல்லாவில் 20 கிராமவாசிகள் உயிரிழந்தனர்.

இந்தியாவின் மேற்கு எல்லைப் பகுதிகளில் பாகிஸ்தானின் ட்ரோன் மற்றும் வெடிகுண்டு தாக்குதல்கள் சனிக்கிழமை நீடித்தன. ஜம்மு நகரம் மற்றும் ஜம்மு மண்டலத்தில் உள்ள பிற முக்கியப் பகுதிகளில் வசிப்போர் காலை 5 மணியளவில் அபாய ஒலிகள் காரணமாக கண் விழித்தனர். எல்லையோரங்களில் வசிக்கும் மக்கள் பாகிஸ்தானின் தீவிர குண்டுவீச்சால் இரவை தூக்கமின்றி கழித்தனர்.