மாநிலங்களவையில் எதிர்க்கட்சிகள் வெளிநடப்பு

போலி வாக்காளர் அட்டை விவகாரம்

- 

புது தில்லி, மார்ச் 10: போலி வாக்காளர் அட்டை விவகாரம், இந்தியாவில் வாக்கு சதவீதத்தை உயர்த்த அமெரிக்கா நிதி அளித்த விவகாரம் உள்ளிட்டவை மீது விவாதம் நடத்தவேண்டும் என்ற கோரிக்கை நிராகரிக்கப்பட்டதைத் தொடர்ந்து காங்கிரஸ் உள்ளிட்ட எதிர்க்கட்சிகள் மாநிலங்களவையிலிருந்து திங்கள்கிழமை வெளிநடப்பு செய்தன.

நாடாளுமன்ற பட்ஜெட் கூட்டத்தொடரின் இரண்டாம் பகுதி திங்கள்கிழமை தொடங்கிய நிலையில், போலி வாக்காளர் அட்டை விவகாரம், அமெரிக்க நிதியுதவி குறித்து விவாதிக்க அனுமதிக்கக் கோரி காங்கிரஸ் உள்ளிட்ட எதிர்க்கட்சிகள் தரப்பில் கோரிக்கை விடுக்கப்பட்டது. இது குறித்து பேச எதிர்க்கட்சித் தலைவர் மல்லிகார்ஜுன கார்கே அனுமதி கோரினார்.