போளூர் அருகே பள்ளி வேன் கவிழ்ந்து 37 பேர் காயம்

திருவண்ணாமலை மாவட்டம், போளூரை அடுத்த தானியார் கிராமத்தில் பள்ளி மாணவ, மாணவிகளை ஏற்றி வந்த வேன் கட்டுப்பாட்டை இழந்து கவிழ்ந்ததில் 37 காயமடைந்தனர்.

- 

போளூர், செப்.1:

போளூரை அடுத்த ஜவ்வாதுமலை ஒன்றியம், தானியார் கிராமத்தில் அரசு நடுநிலைப்பள்ளி செயல்பட்டு வருகிறது. இந்தப் பள்ளியில் ஒன்றாம் வகுப்பு முதல் எட்டாம் வகுப்பு வரை 97 மாணவ, மாணவிகள் பயின்று வருகின்றனர்.

அனைவருக்கு கல்வித் திட்டத்தின் கீழ், மாவட்ட நிர்வாகம் சார்பில், ஒப்பந்த அடிப்படையில் ஏற்பாடு செய்யப்பட்ட தானியார் வேன் மூலம் மாணவ, மாணவிகள் பள்ளிக்கு அழைத்து வரப்படுகின்றனர்.

திங்கள்கிழமை காலை நேருநகர், கிடாம்பாளையம், வதியன்கொட்டாய் ஆகிய கிராமங்களில் இருந்து 37 மாணவ, மாணவிகளை ஏற்றிக்கொண்டு, போளூர் - ஜவ்வாதுமலை சாலையில் வதியன்கொட்டாய் பகுதியில் வேன் வந்து கொண்டிருந்தது.