நாகாலாந்து ஆளுநர் இல.கணேசன் உடல் ராணுவ மரியாதையுடன் தகனம்

ஆளுநர்கள், முதல்வர்கள் இறுதி அஞ்சலி

- 

சென்னை ஆக.16: மறைந்த நாகாலாந்து ஆளுநர் இல.கணேசனின் உடல் 42 குண்டுகள் முழங்க முப்படை மரியாதையுடன் சென்னையில் சனிக்கிழமை தகனம் செய்யப்பட்டது.

தமிழக ஆளுநர் ஆர்.என்.ரவி, மகாராஷ்டிர ஆளுநர் சி.பி.ராதாகிருஷ்ணன், முதல்வர் மு.க.ஸ்டாலின், நாகாலாந்து முதல்வர் நெய்பியூ ரியோ மற்றும் பல்வேறு அரசியல் கட்சித் தலைவர்கள் இறுதி அஞ்சலி செலுத்தினர்.

நாகாலாந்து ஆளுநர் இல.கணேசன் உடல்நலக்குறைவு காரணமாக சென்னையில் வெள்ளிக்கிழமை காலமானார். அவரது உடல் பொதுமக்கள் அஞ்சலிக்காக சென்னை தியாகராய நகரில் உள்ள கண்ணதாசன் விளையாட்டுத் திடலில் சனிக்கிழமை வைக்கப்பட்டது.