சத்தீஸ்கர் முன்னாள் முதல்வர் மகன் கைது: பிரியங்கா கண்டனம்

சத்தீஸ்கர் மாநில முன்னாள் முதல்வர் பூபேஷ் பகேலின் மகன் சைதன்யா பகேலை அமலாக்கத்துறை கைது செய்தது மக்களின் குரல்வளையை நசுக்கும் பாஜக அரசின் தந்திரம் என வயநாடு எம்.பி. பிரியங்கா காந்தி சனிக்கிழமை கண்டனம் தெரிவித்தார்.

- 

புது தில்லி, ஜூலை 19: சத்தீஸ்கர் மாநில முன்னாள் முதல்வர் பூபேஷ் பகேலின் மகன் சைதன்யா பகேலை அமலாக்கத்துறை கைது செய்தது மக்களின் குரல்வளையை நசுக்கும் பாஜக அரசின் தந்திரம் என வயநாடு எம்.பி. பிரியங்கா காந்தி சனிக்கிழமை கண்டனம் தெரிவித்தார்.

சத்தீஸ்கரில் வனப்பகுதிகளை அதானி குழுமத்துக்கு மாநில பாஜக அரசு வழங்கி வருவதற்கு எதிராக சட்டப்பேரவையில் காங்கிரஸ் குரல் எழுப்புவதை தடுக்கவே அவர் கைது செய்யப்பட்டுள்ளதாகவும் பிரியங்கா காந்தி குற்றம்சாட்டினார்.