புத்தகங்கள் அழிக்க முடியாத உயிருள்ள படைப்புகள்

என்எல்சி மின்துறை இயக்குநர் எம்.வெங்கடாசலம்

- 

நெய்வேலி, ஜூலை 7: 'புத்தகங்கள் அழிக்க முடியாத உயிருள்ள படைப்புகள்' என்று என்எல்சி இந்தியா நிறுவனத்தின் மின்துறை இயக்குநர் எம்.வெங்கடாச்சலம் கூறினார்.

என்எல்சி நிறுவனம் நடத்தும் 24-ஆவது நெய்வேலி புத்தகக் கண்காட்சியின் நான்காம் நாள் நிகழ்ச்சி, வட்டம் 11 பகுதியில் உள்ள பழுப்பு நிலக்கரி அரங்கில் திங்கள்கிழமை நடைபெற்றது.

நிகழ்ச்சிக்கு தலைமை வகித்த என்எல்சி இந்தியா நிறுவனத்தின் மின்துறை இயக்குநர் எம்.வெங்கடாச்சலம் பேசுகையில், வரலாற்றில் மனித குல வளர்ச்சிக்கு புத்தக வாசிப்பும், அறிவார்ந்த கற்றலுமே காரணம். சாணக்கியரின் 'அறிவுதான் சக்திவாய்ந்தது' என்ற கூற்றை மேற்கோள் காட்டினார். வாசிக்கும் ஒவ்வொரு புத்தகமும் பயனுள்ளதாகவே இருக்கும்.