'உங்களுடன் ஸ்டாலின்' திட்டம்: ஜூலை 15-இல் தொடங்கிவைக்கிறார் முதல்வர்

பொதுமக்களின் குறைகளைக் கேட்டறியும் 'உங்களுடன் ஸ்டாலின்' திட்டத்தை வருகிற ஜூலை 15-ஆம் தேதி கடலூர் மாவட்டம் சிதம்பரத்தில் முதல்வர் மு.க.ஸ்டாலின் தொடங்கி வைக்கிறார்.

- 

சென்னை, ஜூலை 5:

இதுகுறித்து தமிழக அரசு சார்பில் சனிக்கிழமை வெளியிடப்பட்ட செய்திக் குறிப்பு: பொதுமக்களின் குறைகளை நேரடியாகக் கேட்டறியும் பணிகள் தொடங்கப்படும் என்று சட்டப்பேரவையில் முதல்வர் மு.க.ஸ்டாலின் அறிவித்தார். அவரது அறிவிப்பின்படி, தமிழ்நாட்டில் உள்ள அனைத்து நகர்ப்புற மற்றும் ஊரகப் பகுதிகளில், 'உங்களுடன் ஸ்டாலின்' என்ற திட்டம் தொடங்கப்படுகிறது. இந்தத் திட்டத்தின்கீழ் மொத்தம் 10 ஆயிரம் சிறப்பு முகாம்கள் நடத்தப்படும்.