அடுத்த ஆண்டுக்கான ஹஜ் பயண விண்ணப்பத்தை ஏற்கும் பணி விரைவில் தொடங்கும்: கிரண் ரிஜிஜு

அடுத்த ஆண்டுக்கான (2026) ஹஜ் விண்ணப்பங்களை மத்திய அரசு விரைவில் ஏற்கத் தொடங்கும் என்று மத்திய சிறுபான்மையினர் விவகாரங்களுக்கான அமைச்சர் கிரண் ரிஜிஜு தெரிவித்தார்.

- நமது நிருபர்

நமது நிருபர் புது தில்லி, ஜூலை 4:

புது தில்லியில் வெள்ளிக்கிழமை நடைபெற்ற ஹஜ் மறுஆய்வுக் கூட்டத்திற்குப் பிறகு செய்தியாளர்களிடம் இதுகுறித்து அவர் கூறியது: அடுத்த ஆண்டுக்கான ஹஜ் பயண விண்ணப்பம் ஏற்கும் பணி விரைவில் தொடங்கும். இது தொடர்பான அறிவிப்பு வெளியிடப்படும். அனைத்து நடைமுறை களும் டிஜிட்டல் முறையில் மேற்கொள்ளப்படும்.

2026-ஆம் ஆண்டில் ஹஜ் பயணம் மேற்கொள்ள விரும்புவோர் தங்களது விண்ணப்பத்தை விரைந்து பூர்த்தி செய்து காலக்கெடுவுக்குள் விண்ணப்பிக்க மாறு கேட்டுக்கொள்கிறேன். அப்போதுதான் எதிர்காலத்தில் எந்தச் சிரமமும் இருக்காது.