மாய உலகில் வாழ்கிறார் முதல்வர் மு.க.ஸ்டாலின்

எடப்பாடி பழனிசாமி விமர்சனம்

- 

சென்னை, ஜூன் 16: தமிழகத்தில் அனைவரும் தம்மை பாராட்டுவதாக நினைத்துக் கொண்டு மாய உலகில் முதல்வர் மு.க.ஸ்டாலின் வாழ்ந்து வருவதாக எதிர்க்கட்சித் தலைவரும், அதிமுக பொதுச் செயலாளருமான எடப்பாடி பழனிசாமி விமர்சித்தார்.

இதுதொடர்பாக எக்ஸ் தளத்தில் அவர் வெளியிட்ட பதிவு: திமுக ஆட்சியின் தவறுகளைச் சுட்டிக் காட்டும் எனது அறிக்கைகள் முதல்வர் மு.க.ஸ்டாலினை மிகவும் உறுத்துகிறது.

ஆட்சிப் பொறுப்பேற்ற நான்கு ஆண்டுகளில் வாக்குறுதிகள் எதையுமே அவர் நிறைவேற்றாததால் மக்கள் கடும் கோபத்தில் உள்ளனர். அது தெரிந்ததும், தான் அதைச் செய்யப் போகிறேன், இதைச் செய்யப் போகிறேன் என்று கூறுகிறார் முதல்வர்.