காலிறுதிக்கு முந்தைய சுற்றில் சபலென்கா, ஸ்வியாடெக், கின்வென்

பிரெஞ்சு ஓபன் டென்னிஸ் போட்டியில், உலகின் நம்பர் 1 வீராங்கனையான அரினா சபலென்கா, நடப்பு சாம்பியனான இகா ஸ்வியாடெக் ஆகியோர் காலிறுதிக்கு முந்தைய சுற்றுக்கு வெள்ளிக்கிழமை முன்னேறினர்.

- 

பாரீஸ், மே 30:

மகளிர் ஒற்றையர் 3-ஆவது சுற்றில், பெலாரஸ் வீராங்கனை சபலென்கா 6-2, 6-3 என்ற நேர் செட்களில், செர்பியாவின் ஓல்கா டேனிலோவிச்சை எளிதாக வீழ்த்தினார். போலந்து நாட்டின் ஸ்வியாடெக்கும் 6-2, 7-5 என்ற வகையில் ருமேனியாவின் ஜாக்குலின் கிறிஸ்டியனை விரைவாக வெளியேற்றினார்.

இதர ஆட்டங்களில், போட்டித்தரவரிசையில் 8-ஆம் இடத்திலிருக்கும் சீனாவின் கின்வென் ஜெங் 6-3, 6-4 என்ற கணக்கில் விக்டோரியா போகோவை வெல்ல, அமெரிக்காவின் அமாண்டா அனிசிமோவா 7-6 (7/4), 6-4 என்ற செட்களில், டென்மார்க்கின் கிளாரா டௌசனை சாய்த்தார்.