மேற்குக் கரையில் மேலும் 22 யூத குடியிருப்புகள்

இஸ்ரேல் அறிவிப்பு

- 

ஜெருசலேம், மே 29: ஆக்கிரமிக்கப்பட்ட மேற்குக் கரை பகுதியில் மேலும் 22 யூத குடியிருப்புகளை அமைப்பதாக இஸ்ரேல் வியாழக்கிழமை அறிவித்துள்ளது.

இது குறித்து பாதுகாப்புத்துறை அமைச்சர் இஸ்ரேல் காட்ஸ் மற்றும் நிதியமைச்சர் வியாழக்கிழமை கூறியதாவது: மேற்குக் கரை பகுதியில் புதிதாக 22 யூத குடியிருப்புகளுக்கு அனுமதி அளிக்கப்பட்டுள்ளது. இதில், அரசின் அனுமதி இல்லாமல் ஏற்கெனவே கட்டப்பட்ட குடியிருப்புகளும் அடங்கும். இந்த அனுமதி மூலம் அக்குடியிருப்புகள் சட்டப்பூர்வமாகும்.

பாலஸ்தீனம் என்ற ஒரு நாடு உருவாவது இஸ்ரேலுக்கு பெரும் ஆபத்து. எனவே, அதைத் தடுத்து நிறுத்துவதற்காக இந்தக் குடியிருப்புகள் அமைக்கப்படுகின்றன என்று அவர்கள் தெரிவித்தனர்.